Koncerti pranveror vazhdon traditën në Cërrik

Atmosferë spektakolare në Cërrik , ku arti, bukuria dhe dëshira për tu argëtuar u ndërthurën bashkë.

Këtë vit të katërt të Koncertit të Pranverës të organizuar nga Bashkia Cërrik iu shtua dhe prezenca e “Miss Summer World”.

Të bukurat nga vënde të ndryshme të botës promovojnë bukuritë e bashkisë sonë Cërrik.

E ku ka më mirë!?

Falenderim të veçantë për sponsorët:
Izogrup
Kantina Sulova

Bar Restorant Xhelili

Tradita vazhdon, të tjera aktivitete na presin!

 

BLG Group tani me zyra dhe në Cërrik

Sot ishim në zyrat e reja të BLG Group në Cërrik.

Pas një trajnimi gati 2 javor, sot nisi puna me 10 të rinjtë të përzgjedhur nga intervistat dhe trajnimi.

Isha sot aty për t’i uruar për punën e re që po nisin.

BLG Group vazhdon të kërkojë ende punonjës për shërbimet e saj prandaj të gjithë ata që janë në kërkim të një pune dhe që dinë italisht, të paraqiten çdo ditë në zyrat e BLG Group në Cërrik, tek ish-kolegji turk, ose të kontaktojnë me sekretarinë në nr. 0695294282.

Mos humbisni rastin!

Punë të mbarë BLG Group!

Trajnimi i anëtarëve të Këshillit Vendor të Sigurisë Publike në Cërrik për adresimin e sigurisë në komunitet

Në datat 22 dhe 23 nëntor anëtarë të Këshillit Vendor të Sigurisë Publike në Cërrik u trajnuan për adresimin e sigurisë në komunitet përmes një modeli ndër-instituional dhe parime të vlerësimit të performancës. Qëllimi i trajnimit ishte mbledhja e anëtarëve të Këshillit të Sigurisë Publike, që përfaqësojnë institucione lokale shtetërore dhe jo-shtetërore për të identifikuar sfida dhe mundësi në funksionimin e Këshillit të Sigurisë Publike në këtë bashki. Rezultati i këtyre dy ditëve ishte hartimi i një plani veprimi nga ana e anëtarëve të Këshillit, me mbështetjen e moderatorëve të trajnimit, për aktivitete dhe çështje që duhet të adresohen vitin e ardhshëm. Ky trajnim është pjesë e një iniciative më të gjerë nga Departamenti I Sigurisë dhe Bashkëpunimit të Prezencës së OSBE-së në Shqipëri, me mbështetjen e Fondacionit për Autonomi Vendore dhe Qeverisje për të punuar me anëtarët të këshillave të sigurisë , këshillat e të cilëve janë themeluar me mbështetjen e Prezencës, e cila do të vijojë të ofrojë ekspertizë dhe të punojë së bashku me institucionet vendore për të gjetur zgjidhje të përbashkëta ndaj sfidave të identifikuara.

AlbaniaUSA