Lajme nga Cerriku

NJOFTIM-Hapen regjistrimet për kursin European Care Certificate – ECC në Cërrik

Në kuadër të projektit ASSIST – Bashkëpunim Ndërkombëtar në Shërbim të Kujdestarëve në Shqipëri, janë hapur regjistrimet për pjesëmarrjen në kursin e trajnimit European Care Certificate – ECC, i cili do të zhvillohet në Cërrik.

Kursi u drejtohet personave që punojnë ose dëshirojnë të angazhohen në fushën e kujdesit dhe mbështetjes së personave me aftësi të kufizuara, të moshuarve dhe personave me nevoja për asistencë. Mund të aplikojnë si persona që kanë eksperiencë në këtë sektor, ashtu edhe persona të interesuar për të zhvilluar kompetenca të reja profesionale.

Programi i trajnimit bazohet në standardin evropian BESCLO – Basic European Social Care Learning Outcomes dhe trajton tetë fusha kryesore: vlerat e kujdesit social, cilësinë e jetës së personave që marrin asistencë, menaxhimin e riskut, rolin dhe përgjegjësitë e punonjësit të kujdesit, sigurinë në punë, komunikimin pozitiv, parandalimin e abuzimit dhe neglizhencës dhe zhvillimin e kompetencave profesionale.

Trajnimi është pjesë e projektit ASSIST, të zbatuar nga Manè Impresa Sociale, në partneritet me LIBURNETIK Organisation dhe në bashkëpunim me Bashkinë Cërrik, me bashkëfinancimin e Regione Puglia – L.R. 20/2003, Avviso Pubblico 2025.

📍 Vendi: Qendra Multifunksionale e Bashkisë Cerrik
📅 Periudha e parashikuar: Tetor – Nëntor 2026
📝 Regjistrimi: plotësoni formularin online në linkun e mëposhtëm:

👉 APLIKO KËTU:
https://docs.google.com/forms/d/e/1FAIpQLSeGfrXAkMf0ktDgh4cjTaTJjgGyztZm7gN-ibok8xNieMaKDA/viewform?usp=sharing&ouid=106585377272709224225

Bëhu pjesë e një mundësie për të zhvilluar kompetenca të reja dhe për të kontribuar në përmirësimin e shërbimeve të kujdesit në komunitet.

 

 

8 Shtator, 2026 in Lajme nga Cerriku

Në Selitë, me financimin e Gjysmë Hënës së Kuqe të Emirateve të Bashkuara Arabe, përfunduam ndërtimin e Ambulancës së re të fshatit.

Një punë që e meriton numrin 200!
Në Selitë, me financimin e Gjysmë Hënës së Kuqe të Emirateve të Bashkuara Arabe, përfunduam ndërtimin e Ambulancës së re të fshatit.
Një godinë e ndërtuar tërësisht nga e para, moderne dhe funksionale, e pajisur gjithashtu me të gjithë inventarin e nevojshëm për ofrimin e shërbimit shëndetësor në kushte shumë të mira.
🙏 Falënderojmë Gjysmë Hënën e Kuqe të Emirateve të Bashkuara Arabe që bënë të mundur realizimin e këtij investimi.
200/500 punë për të bërë ✅
19 Gusht, 2026 in Lajme nga Cerriku

INTERNET FALAS NË ZEMËR TË QYTETIT TË CËRRIKUT!

INTERNET FALAS NË ZEMËR TË QYTETIT TË CËRRIKUT!
Një tjetër investim që e bën Cërrikun më modern dhe më të lidhur me teknologjinë është tashmë realitet.
Në kuadër të iniciativës WiFi4WB, Bashkia Cërrik ka vënë në funksion rrjetin publik “Free EU WiFi4WB – Cerrik”, duke ofruar internet falas në një sipërfaqe prej rreth 20.000 m² në zemër të qytetit.
📍 Rrjeti mbulon:
✅ Sheshin qendror të qytetit
✅ Kinemanë “Ptoleme Xhovani”
✅ Të gjithë lulishten e qytetit
✅ Këndin e lojërave për fëmijë
Ky shërbim është në dispozicion të të gjithë qytetarëve. Nxënësit dhe studentët mund ta përdorin për të studiuar, të rinjtë për të komunikuar, sipërmarrësit për aktivitetin e tyre, pensionistët për të qëndruar më pranë familjarëve dhe çdo vizitor për të përfituar internet falas gjatë qëndrimit në qendrën e qytetit.
📲 Për t’u lidhur, mjafton të zgjidhni rrjetin “Free EU WiFi4WB – Cerrik”.
🤝 Ky investim u realizua në kuadër të iniciativës WiFi4WB, me mbështetjen e Bashkimit Evropian dhe Qeverisë Gjermane, ndërsa zbatimi i projektit u bë nga GIZ, në bashkëpunim me Bashkinë Cërrik. Shprehim mirënjohjen tonë për këtë partneritet, i cili solli një tjetër shërbim modern në dobi të komunitetit tonë.
Ne besojmë se zhvillimi nuk matet vetëm me rrugë, ndërtesa apo infrastrukturë fizike. Ai matet edhe me shërbimet që ua bëjnë jetën më të lehtë qytetarëve dhe e afrojnë komunitetin tonë me standardet evropiane.
Cërriku po ecën përpara, çdo ditë, me punë konkrete. 💙
175/500 punë
10 Korrik, 2026 in Lajme nga Cerriku