Lajme nga Cerriku

Njoftim i rëndësishëm – Bashkia Cërrik Në zbatim të ligjit nr. 86/2025, qytetarët dhe bizneset kanë mundësi të përfitojnë nga fshirja dhe lehtësimi i detyrimeve tatimore.

Njoftim i rëndësishëm – Bashkia Cërrik

Në zbatim të ligjit nr. 86/2025, qytetarët dhe bizneset kanë mundësi të përfitojnë nga fshirja dhe lehtësimi i detyrimeve tatimore.

👉 Si funksionon:

✔ Detyrimet deri në vitin 2014 fshihen plotësisht, pa pagesë

✔ Për periudhën 2015–2019:
👉 Nëse paguani 50% brenda 30.06.2026, falet 50% tjetër
👉 Nëse paguani 75% brenda 31.12.2026, falet 25% tjetër
👉 Në të dy rastet falen të gjitha gjobat dhe kamatëvonesat

✔ Për periudhën 2020–2024, nëse paguani detyrimin bazë, falen të gjitha gjobat dhe kamatëvonesat

⏳ Afati i përfitimit: deri më 31.12.2026

👉 Përfitoni nga kjo mundësi për të sistemuar detyrimet tuaja.

 

3 Prill, 2026 in Lajme nga Cerriku

Dasar – Mbikëqyrje në terren e gjurmës së rrugës

🌿 Dasar – Mbikëqyrje në terren e gjurmës së rrugës
Pas Ditës së Verës, është momenti i finalizimit të projekteve që kemi premtuar.
📌Sot ishim në Dasar për të parë nga afër gjurmën e rrugës që do të asfaltojmë në këtë fshat. Së bashku me Administratorin, Kryetarin e fshatit dhe inxhinierin e Bashkisë, verifikuam në terren çdo detaj, sepse vetëm duke qenë prezent aty në terren mund të përcaktohet saktë gjurma e rrugës, në përputhje me nevojat reale të banorëve.
➡️Në këtë proces, vendosëm të zgjerojmë projektin fillestar me 130 ml linear shtesë, duke e çuar gjatësinë totale të kësaj rruge në 625 ml, për t’iu përgjigjur sa më mirë kërkesave të komunitetit.
Rruga e Dasarit është ndër asfaltimet që do të realizojmë këtë vit, ashtu siç kemi premtuar.
Kjo do të jetë mënyra jonë e punës: duke prekur dhe verifikuar projektet paraprakisht në çdo njësi administrative..

🚧 Na ndiqni, punët e mëdha po nisin.

18 Mars, 2026 in Lajme nga Cerriku

Cërrik – Një hap më tej për sigurinë e qytetit

Cërrik – Një hap më tej për sigurinë e qytetit
Siguria e një qyteti nuk garantohet nga një institucion i vetëm. Ajo është rezultat i bashkëpunimit mes institucioneve dhe përdorimit të teknologjisë në shërbim të komunitetit.
Për herë të parë, në bashkëpunim me Komisariatin e Policisë Cërrik, instaluam në ambientet e këtij komisariati sistemin e monitorimit të kamerave të sigurisë së qytetit. Ky sistem do t’i shërbejë Policisë së Rendit për monitorim në kohë reale dhe reagim më të shpejtë në çdo situatë.
🎯 Qëllimi është i qartë:
✔ më shumë kontroll në hapësirat publike
✔ më shumë parandalim të rasteve problematike
✔ më shumë siguri për qytetarët dhe bizneset
Kamerat e sigurisë janë vetëm një hap. Roli kryesor në monitorim dhe garantimin e rendit publik i takon Policisë së Shtetit, me të cilën do të vazhdojmë bashkëpunimin për ta zgjeruar këtë sistem hap pas hapi në zona të tjera të qytetit.
74/500 punë për të bërë…
🤝 Një tjetër hap përpara në rritjen e cilësisë së shërbimeve dhe forcimin e sigurisë në qytetin tonë.
9 Mars, 2026 in Lajme nga Cerriku

Cërrik – Lagjja nr. 2

🏘️ Cërrik – Lagjja nr. 2
Ka disa punë që ndoshta nuk duken të mëdha në hartë, por kur i sheh nga afër e kupton sa shumë ndryshojnë jetën e përditshme të një lagjeje. Një nga këto është puna që realizuam në bllokun e banesave pranë shkollës “Aleks Buda” në lagjen nr. 2 të qytetit të Cërrikut.
Vendosëm ta marrim qytetin bllok pas blloku, duke filluar nga gjërat që e bëjnë një lagje të jetueshme dhe të bukur:
🚶‍♂️ sistemimi i trotuareve
🪑 vendosja e stolave
🌳 mbjellja e disa pemëve
🚦 vijëzimet rrugore
💡 ndriçimi i brendshëm i lagjes
Janë ndërhyrje të vogla në dukje, por kur bashkohen krijojnë një hapësirë ku banorët ndihen mirë, ku fëmijët luajnë më të sigurt dhe ku lagjja merr pamjen që i ka hije një qyteti.
Natyrisht, ka ende punë për të bërë. Asfaltimi i segmenteve që janë hapur nga ndërhyrjet e ujësjellësit është një nga hapat e radhës, ndërsa fasadat e pallateve mbeten një tjetër sfidë që duam ta përballojmë për këtë bllok.
Ndërkohë, puna nuk ndalet.
Këtë verë asfaltimet në lagjen nr. 1 do të jenë një nga sfidat tona kryesore.
Por paralelisht me projektet e mëdha, janë edhe punët e përditshme të mirëmbajtjes, ato që i bëjnë çdo ditë më të rregullta lagjet tona. Dhe këto realizohen falë punonjësve tanë të mirëmbajtjes, atyre të mirëve, që janë çdo ditë në terren.
Ne do të vazhdojmë bllok pas blloku, lagje pas lagjeje, derisa çdo cep i qytetit të marrë kujdesin që meriton.
🔧 73 nga 500 punë për të bërë.
Vazhdojmë.
9 Mars, 2026 in Lajme nga Cerriku