Lajme nga Cerriku

Bashkia Cërrik nënshkroi marrëveshjen për Fondin Social së bashku me 8 bashki të tjera, një hap i rëndësishëm për forcimin dhe zgjerimin e shërbimeve sociale në nivel vendor.

Bashkia Cërrik ishte gjithashtu pjesë e panelit të diskutimit si një shembull i praktikave të mira në ngritjen dhe ofrimin e shërbimeve sociale. Përvoja e saj tregon se kur qeverisja vendore merr rolin e saj si koordinatore dhe udhëheqëse, mund të ndërtojë shërbime reale, funksionale dhe të qëndrueshme për qytetarët.

Ky model u ndërtua mbi një partneritet të fortë lokal mes Bashkisë Cërrik dhe organizatave të shoqërisë civile , si dhe falë përdorimit të kombinuar të:

Programit të Bashkimit Evropian për Kujdesin Social

Fondit Social Shtetëror

Të dy instrumentet, të ndërthurura së bashku, nuk krijuan vetëm shërbime të reja, por i dhanë jetë dhe vazhdimësi shërbimeve sociale në Cërrik.

Përmes Qendrës Multifunksionale Komunitare dhe Njësisë Lëvizëse, për 3 vite do të ofrohen shërbime të integruara për:

Fëmijë dhe të rinj

Familje në nevojë

Persona me aftësi të kufizuara

Të moshuar

Gra dhe vajza në situata dhune

Mbi 1,500 qytetarë pritet të përfitojnë drejtpërdrejt dhe mbi 2,500 të tjerë indirekt, përmes këshillimit psikosocial , programeve edukative , aktiviteteve komunitare dhe shërbimeve në terren .

Ky model bashkëpunimi ndërmjet pushtetit vendor dhe institucioneve qendrore tregon se kur investohet në shërbime cilësore dhe të qëndrueshme, ndikimi në jetën e qytetarëve është konkret, i prekshëm dhe afatgjatë.

48/500 Punë për të bërë…

ë

Patëm kënaqësinë të mirëpresim në Cërrik Ministren e Shëndetësisë dhe Mbrojtjes Sociale, znj. Evis Sala, në një vizitë domethënëse në Qendrën Multifunksionale , një model konkret i integrimit të shërbimeve në funksion të qytetarëve

Kjo qendër përfaqëson një hap të rëndësishëm drejt afrimit të shërbimeve sociale dhe shëndetësore , duke kombinuar mbështetjen në ambientet e saj me shërbime lëvizëse që shkojnë më pranë banorëve në nevojë

Gjatë vizitës, u theksua rëndësia e financimit të këtyre shërbimeve përmes Fondit Social , në dobi të qytetarëve të njësive administrative Cërrik, Gostimë, Mollas, Shalës dhe Klos

Ky bashkëpunim i ngushtë mes institucioneve vendore , Ministrisë dhe partnerëve si UNICEF Albania , është dëshmi e përkushtimit për një mbrojtje sociale më gjithëpërfshirëse dhe më të aksesueshme për të gjithë

Një tjetër hap përpara drejt kujdesit, solidaritetit dhe zhvillimit të qëndrueshëm të komunitetit tonë

Puna në Bashkinë Cërrik vazhdon pa pushim për të evituar rrezikun nga shirat e rrëmbyeshëm të ditëve të fundit dhe për të ndrequr problematikat e shkaktuara prej reshjeve intensive.

Ekipet tona janë në terren, duke ndërhyrë me përparësi:

Monitorimin e zonave me risk

Ndërhyrje me mjete të rënda aty ku kërkohet

Riparimin e dëmeve dhe bllokimeve të shkaktuara nga shiu

Edhe pse moti ka qenë sfidues , ne nuk ndalemi, sepse siguria dhe shërbimi ndaj qytetarëve janë prioriteti ynë i parë

Falenderojmë çdo punonjës për punën, sakrificën dhe përkushtimin e këtyre ditëve

Së bashku do të ndërtojmë një Cërrik më të fortë, më të sigurt dhe më të përgatitur për çdo sfidë

#BashkiaNëTerren

#SiguriaEPara

#CërrikuIFortë

#KohaERezultateve