Shërbimet e e-Albania asistohen nga Bashkia Cërrik për banorët çdo ditë pune, në katin e parë të Bashkisë, zyra nr. 1 — FALAS.
Qytetarët mund të marrin ndihmë në kryerjen e aplikimeve online për një gamë të gjerë shërbimesh, si certifikata, vërtetime pensioni, dokumente pronësie etj.
Ky shërbim është veçanërisht i rëndësishëm për ata që hasin vështirësi në përdorimin e teknologjisë, sidomos për pensionistët.
Gjithashtu, sipas kërkesës, qytetarët asistohen edhe nga një jurist për çështje që lidhen me dokumentacionin e pronësisë, kadastrën dhe proceset e legalizimit, duke i orientuar saktë për çdo procedurë dhe dokument të nevojshëm.
Bashkia Cërrik pranë qytetarëve, me shërbime konkrete, të thjeshta dhe të aksesueshme për të gjithë.
