Pata kënaqësinë të prisja një vizitë nga disa fëmijë të mrekullueshëm të moshave 8–10 vjeç , nxënës të shkollave të qytetit Cërrik, të cilët marrin pjesë në aktivitetet e Qendrës Komunitare Multifunksionale Cërrik.

Kjo qendër është pjesë e projektit BOOST, në kuadër të programit EU4SocialCare, financuar nga Bashkimi Europian dhe zbatuar nga UNICEF, në partneritet me World Vision Albania dhe në bashkëpunim me Ministrinë e Shëndetësisë dhe Mbrojtjes Sociale.

Fëmijët folën për të drejtat e tyre dhe paraqitën kërkesat për buxhetin e ardhshëm të bashkisë .

Piktura e tyre, që përmbledh këto kërkesa, do të qëndrojë në zyrën e Kryetarit të Bashkisë si një axhendë e përhershme dhe një kujtesë e vazhdueshme për rëndësinë e kujdesit ndaj fëmijëve .