Lajme nga Cerriku

Në fjalën time u kujdesa të theksoj rëndësinë që bashkia si institucioni më i afërt lokal, ka për të siguruar sa më shumë mundësi që ndihmojnë në zhvillimin e potencialit të të rinjve dhe të rejave brenda territorit të tyre e më gjerë.

Nuk është klishe “Rinia është e tamshja dhe e ardhmja e Shqipërisë ”

Çdo i ri që kam takuar këto vite në shumë angazhime të tyre në gjimnazet tona, Këshillin Vendor Rinor, Qendrën Multifunksionale Komunitare Rinore përgjatë këtyre viteve ka qenë një kërkesë unanime, ndërtimi i një biblioteke e cila do tu shërbente jo vetëm atyre por të gjithë atyre që duan librin.

Më vjen mirë që sot me mbështetjen e Ministrisë së Rinisë dhe Fëmijëve dhe Agjencinë Kombëtare të Rinisë, do të kemi një bibliotekë në zemër të qytetit të Cërrikut në ish-kinoklubin “Ptoleme Xhuvani”

15 vite rrugëtim plot sfida e dinamika për të lënë sot, një gjurmë në historinë e shërbimeve sociale për fëmijët dhe të rinjtëtë bashkisë Cërrik.

Faleminderit Caritas Albania – Shqiptar për këtë mundësi që i ka dhënë komunitetit të Cërrikut në këto vite por edhe për mbështetjen që do të vazhdojë tashmë me një bashkëpunim të ri për moshën e tretë, të cilët po aq sa fëmijët meritojnë të gjithë vëmendjen tonë.

Faleminderit motër Camilla dhe stafit të qendrës “Balona” për të gjithë seriozitetin dhe përkushtimin që keni treguar nga dita e parë e deri sot.