Lajme nga Cerriku

Sot, në ambientet e Qendrës Multifunksionale të Bashkisë Cërrik, organizuam një aktivitet të veçantë me moshën e tretë, me qëllim promovimin e rolit dhe kontributit të të moshuarve në familje dhe në komunitet.

Përmes fotografive, bisedave dhe kujtimeve, të moshuarit u inkurajuan të ndajnë me ne histori, përvoja dhe momente të çmuara nga jeta e tyre. Çdo kujtim është një histori, çdo rrudhë një përvojë dhe çdo fjalë një mësim për brezat që vijnë.

Ky aktivitet ishte një mundësi për të socializuar, për të buzëqeshur dhe mbi të gjitha, për t’u ndjerë të vlerësuar, të dëgjuar dhe të përfshirë.

Të moshuarit nuk duhen kujtuar vetëm më 1 Tetor. Ata meritojnë vëmendjen, respektin, dashurinë dhe mirënjohjen tonë çdo ditë.

Le të vazhdojmë t’i kemi gjithmonë në vëmendje, sepse ata janë kujtesa, urtësia dhe një pjesë e çmuar e familjeve dhe komunitetit tonë.

Zhvilluam me sukses aktivitetin “Udhëheqja në Veprim – Ndërtojmë të ardhmen tonë të përbashkët” me të rinjtë me energji e plot ide të Shtepanjës!

​Ky aktivitet kishte në qendër zhvillimin e aftësive lidershipit, nxitjen e bashkëpunimit dhe fuqizimin e të rinjve për të qenë aktorë aktivë në komunitetin e tyre.

​Gjatë takimit:

Lojëra ndërvepruese & teambuilding: Zhvilluam ushtrimin e “rrjetit të bashkëpunimit” me fill, për të kuptuar se si çdo ide dhe çdo anëtar është i rëndësishëm në një ekip.

Punë në grupe & Prezantime: Të rinjtë punuan në grupe, hodhën idetë e tyre në postera dhe i prezantuan ato me mjaft vetëbesim.

Krijimi i Grupit të Rinjve të Shtepanjës: Hodhëm bazat për një grup të vazhdueshëm që do të ndërmarrë nisma e projekte të reja në zonë.

Në tryezën e diskutimit “Rrugë të sigurta për në shkollë”, institucionet vendore, policia, shkollat, prindërit dhe të rinjtë diskutuan draftin e Planit të Masave për Rritjen e Sigurisë Rrugore të Nxënësve.

Takimi krijoi një hapësirë për bashkëpunim, dialog dhe shkëmbim idesh për masa konkrete që synojnë një mjedis më të sigurt për fëmijët dhe të rinjtë.

Të rinjtë janë pjesë aktive e këtij procesi, duke kontribuar me ide, zë dhe angazhim në komunitetin e tyre.

Aktiviteti u organizua nga Bashkia Cërrik, në bashkëpunim me WCDCA, Këshillin Vendor Rinor dhe strukturat vendore përgjegjëse për sigurinë dhe arsimin.

Së bashku për më shumë siguri, pjesëmarrje dhe mirëqenie për të rinjtë