Sot mikëprita në Cërrik, përfaqësues të QENDRËS PËR NXITJEN E ZHVILLIMIT NJERËZOR (HDPC), Organizatës TJETËR VIZION dhe përfaqësues nga LËVIZ ALBANIA, për të ndarë gjetjet e projektit “Qeverisja lokale në kohë normale dhe emergjencash: Me qytetarët dhe për qytetarët” .
Shpreha felenderimet dhe mirënjohjen time për organizatorët që zgjodhën Bashkinë e Cërrikut për të ndarë gjetjet e tyre me përfaqësues të sektorit të emergjencave civile nga 7 Bashkitë e Qarkut Elbasan, përfaqësues të Agjencisë Kombëtare të Mbrojtjes Civile, prefekturës Elbasan, përfaqësues të Këshillit Vendor të Sigurisë Publike të Bashkisë Cërrik, aktor të tjerë të institucioneve tona lokale e vendore. Jam i bindur që këto gjetje dhe rekomandime do të ndihmojnë në punën e gjithë secilit për të bërë më të mirën në përballimin e situatave emergjente.
Gjithashtu në fjalën time nuk mund të rrija pa falenderuar dhe stafin e sektorit të emergjencave civile dhe sektorit social të Bashkisë Cërrik, të cilët kanë koordinuar punën e tyre për të përballuar vështirësitë e tërmetit të Nëntorit të viti 2019 dhe Pandemisë së COVID-19 e jo vetëm.
